酒店工作/傳播小姐/飯局公關/鋼琴酒吧/酒店上班小姐/國外上班/經紀公司

研究報告話女人講野既次數比男人多好多;
咁女人又係咪比男人擅長溝通呢?
未必,除非你以為講野等於溝通。

事實上;溝通的確係一個大課題。
不論係同朋友,家人,同事,情人...
本文集中於討論港女與情人之間的溝通。

身邊常見的港女溝通方式有以下幾種:
1)講。
呢種方式最常見,驟眼睇亦都好正面丫,起碼佢肯將問題提出,正視問題。
係。不過呢種方式經常都係唔岩既時候使用呢!當情人忙緊心情唔好大壓力既時候,
港女往往就會用呢種方法,係咁要將個問題馬上立刻解決,完全唔俾空間大家冷靜;
仲要非常理直氣壯咁講:"我都係想解決問題者!放個問題係度唔理就當冇事咩?咁點行落去?"
的確!問題係需要解決。不過係大家都情緒不穩既時候去討論問題點會得到真正既解決呢?
而且呢種方式既既力度要好好把握,否則好容易變成"有我講冇你講"。

2)喊。
呢種方式簡直係超必,試問你既情人見到你委屈咁流淚,仲點會同你嘈?
可惜,呢種超必只限頭幾個月使用。
日子一旦耐左,呢種招數用多左;只會換黎一句:"又喊。"
到時只會更傷心。
當然,人唔傷心就唔流淚。不過係發生問題既時候,要知道眼淚並唔能夠解決問題呢!
而且情人見到你喊,更加冇心機將自己真正既想法講出黎;或者你亦都聽唔入耳。

3)唔出聲。
呢種方式好似幾好咁喎;大家唔嘈咪唔會傷害對方囉。
你未免太小看港女了。
唔出聲唔等於唔介意;唔出聲唔等於唔嬲;唔出聲唔等於冇問題。
只係佢地將個層次推高左一級"你應該知道發生緊咩野事/你應該知道我介意"
其實你唔講;人地真係會唔知咩事的。你唔可能時時幻想要求身邊人完全明白你。

事實上溝通又應該係點呢?又有幾咁難呢?
係難既;難在要花時間心機去聽對方講野;去明白體諒對方;
再用自己角度分析理解;然後再提出自己既意見;透過大家既包容磨合;
搵出一個大家都舒服既相處模式。
講咁多即係咁:溝通唔單只係表達自己;仲要聽人講野。大家都講完是要搵解決方式的。

係啦。一句就可以講完既野點解我要講咁長呢?
呢個都係港女既溝通方式一種;長篇大論千字文好似好客觀講道理;其實都係想話你知:我岩。
但係個出發點又係想對方明白自己既諗法者?如果唔緊你唔愛你;又點會想你明白自己呢?